越來越少寫日記, 因為人越大越來越將自己既心事放係心入面, 有時真係感到好無助, 有時好想有個人可以幫下我, 但又唔知可以搵邊個??

今晚真係訓唔著, 就開返個日記打下, 記錄下自己既野咁!!

尋日同今日有點事發生了, 令到自己既情緒真的很低落, 但每次當我最唔開心最想人安慰既時候, 真係好幸運有個來電, 雖然來電者未必可以幫我D咩忙, 但總想有個人在身旁時, 有個人在另一邊既電話裏, 已經感到好安慰。有點東西好諷刺既係, 最想有一個人安慰自己, 為自己舒解困局既人, 唔明點解每次都增加我既不快, 冇令我開心之餘,反之更令我傷心!

呢兩日個心好痛, 痛係痛在人既反口覆舌, 痛係痛在一句說話唔應該從這人口裏說出的, 痛係痛在點解永不學懂珍惜同反省!

個心好痛, 亦開始感到心酸,一個只可共快樂而不可共困難既人, 真的要想想, 呢樣值得嗎?

開左學都未寫過BLOG, 係時候要UPDate下先!!!

轉左工作環境, 個感覺都唔錯, 一來冇從前咁大壓力同忙碌, 加上暫時唔使進修, 可以多d自己既時間, 做d自己鍾意既野!!!!

另外就係, 工作地點係返居住附近, 真係幾好, 唔使浪費咁多時間坐車, 又可以訓耐d!!! 個感覺都唔錯!!

今日同d學生參加小學舉辦既運動會, 到左兆麟運動場, 個感覺好特別, 令我有點懷念從前居住既地方, 細細個已經係屯門長大, 見到以前住既房子, 加上係運動場既感覺, 令我回想以前讀書時參加陸運會的情景, 個感覺好親切同熟悉!!!

今日見到好多爸爸都有參與活動, 其實真係好開心, 回想起自己細個讀書, 爸爸真係好少參與我既學校生活, 或者從前都唔主張有家長參與, 現在就越來越重視親子關係, 所以看到小朋友的爸爸媽媽, 個感覺真係幾溫暖!!!

放暑假了，休息左幾日，又玩左好多日，岩岩去完長隆玩，好舒服既兩日假期，過程都開心，好耐都冇試過咁開心咁去玩下！！

唔知點解感覺有點同以前有Ｄ唔同，冇好似細細個果種感覺，或者人大了，相處果種已經有點分別，但我仍然希望自己是長不大，停留在過去中！！

發覺自已既情緒真係好容易受人影響！

我既情緒，喜怒哀樂，好多野都會因為別人而影響我，有時唔係想去改變，只係想多點體諒，能夠用將心比己，已經足夠，但有時，原來咁諗都係一件奢侈既事！！

由我懂事以後，轉工，面對唔同既人同事，我發覺自己開始有點變得假，有時只係唔想用一個假的面孔對待自己身邊的人，但我而家明白，原來假有時都係好，因為每樣事情有點不清楚，就唔會產生討論時刻，便唔會有磨擦！！

人與人之間果種關係，唔知幾時先可以有真正的自己呢？

幾年間, 轉變很多, 人越大面對的事情就越多越覆雜, 開始看到生離死別, 對人生真的很害怕!

三年來, 先後面對轉工, 搬屋, 家庭問題, 感情問題, 以及生離的情況, 令自己慢慢長大同成熟!!

人越大就真係越想回到童年時, 唔會有咁多問題發生, 或者有都唔輪到自己去面對, 現在, 不能逃避, 只能勇敢面對, 但,真的感到無助, 人生就這樣, 當你以為擁有一切時, 好快就會消失。

珍惜眼前擁有既一切, 真係好重要, 本以為工作重要, 理想重要, 原來一切都唔重要, 因為當你利用大量時間面對工作同理想, 同時間亦會失去好多!!!

所以呢一刻, 真的很衝動, 好想停止一切的繁重事情, 好想停下來!!!!

先後放完復活節假期，繼而放埋五一勞動節及佛誕假期，呢兩個假期本想去輕鬆輕鬆，但都好似百無了賴咁又虛渡了！

其實我唔係好想買野，只係我覺得返工真係好辛苦同好疲累，明知返工放工仲要返學放學，我只可以係放假時，唔需要咁勞碌，想去玩下開心下！

但發覺個人越來越悶，好想去約人，但每次總有萬千個原因而推卻或不了了知，唉，真係唔知想點！

明天開始，再無公眾假期，又要一連六日上班，一個禮拜三晚返學，又開始疲累既狀態，或者正正因為時間經常地唔夠用，所以我放假真係想去做Ｄ有意義或者開心輕鬆既事！

今日係學校, 有個小朋友太耐冇返學, 放完復活節假再請事假, 太耐冇見同學仔, 聽到佢地之間既對話, 真可笑!!

男同學話好耐冇見, 好掛住你呀?女同學話都唔係好耐冇見0者!!!

之後全部同學話溫習, 之後望住大螢幕, 男同學幫忙按電腦滑鼠, 不知為何狂笑, 突然女同學問, 你仲嘜成日係度笑, 男同學回應, 我見到你怕羞囉, 女同學話: 怕咩羞!男同學再說, 我忍唔住喇, 真係忍唔住喇, 狂笑咁!! 女同學突然間回應: 忍唔住,咩忍唔住呀, 忍唔住咁你仲唔快D去廁所!!男同學話我唔係急尿既忍唔住呀, 我只係忍唔到笑咋!!!女同學話, 下??????

果刻既場面, 我聽到, 都真係忍唔住好想笑!!!!