尋日短週玩足一日, 訓醒搞好MPF既野, 然後去左港晶NEWAY唱K, 唱完去左九龍灣MEGA BOX行街, 夜晚再落左去深水埗食晚飯, 跟住再去左尖東PAM PUB飲酒, 玩到兩三點, 一覺訓天光, 十二點幾先起身, 好累~~~不過好充實既一日假期!!!

今日食個LUNCH, 就回家好乖咁做功課, 今晚要早點休息, 唔夠訓一日, 真係感到好累好累~~~~

近大半個月都冇玩過電腦, 真係感到時間唔夠用, 日日都好忙, 加上都仲未病好, 好辛苦~~食完藥, 照返工,想訓又冇得訓, 又要頂到放工先有得休息, 真係好辛苦!!!

尋日學校親子旅行,仲要過埋視學, 終於都搞掂晒了~~~~

今日可以安心做功課同PORTFOLIO喇!!!!

唔知要做幾耐呢???????

今日浸會個導師來睇第一次既視學, 過程中都好順利, 導師都話表現唔錯, 不過當然有些建議, 希望下次14/11可以順利過渡埋第二次既視學, 咁呢一科就快完了, 八千字既功課, 做了八份一, 唉~~~~今日真係麻煩泰泰既媽媽, 令我順利渡過今日既視學!!!

明年五月應該ce畢業, 不過都會繼續讀埋佢, 三年後, 應該可以畢業吧!!!!

今日星期五放工去拔智慧齒, 痛了多時的牙, 今日鼓起勇氣去拔掉, 因為明天後天可以休息, 不用上堂, 星期一可以照常教學!!! 盡量都唔想影響日常上堂既野!!

今日係萬聖節, 有個老師扮女巫入課堂, 但我既學生既反應係—-無反應!!! 真係, 家陣既小朋友, 原來咩都唔怕!!!!

尋日短週, 想訓晏D都唔得, 七點半又起身, 做左功課同學生既評估,就出去接冰冰收工, 一齊去LUNCH~~

然後好在阿峰出來搵我, 再過去理工大學搵個朋友影畢業相, 唉, 仲以為好多人, 點知, 就係得我同冰冰, 好無奈!!!!

之後同左峰同冰去左MERCURY飲野, 飲到JACKIE到尖沙咀, 去左尖東既一間日本餐廳『兔角』, 呢間野都唔錯, 不過真係貴!!!

之後送埋冰冰走, JACKIE又返工, 我同峰又行行下又坐低飲野, 等齊人先上去藍馬商業大廈飲酒!! 呢間BAR同哥哥生日果間好似, 都係樓上樓下!!由十點半飲到三點幾, 好開心, 可能從來都冇試過成班舊朋友一齊去飲酒, 玩到咁癲, 以前讀書又唔玩得, 又唔識玩, 所以尋晚唔知做咩飲好多, 本身都唔醉, 但飲緊啤酒, 又比人猜飲WISKY, 點知過一陣就開始WING, 又嘔, 好在阿賢係度, 唔係冇人送我返屋企, HAHA!!! 見到尋日阿湘生日果個蛋糕真係好靚同埋特別. 個BAR好有心思, 有個火花既臘臅, 好正!!!

我記得尋日係坐的士返家, 真係好, 好快就返到, 一返來就沖涼, 訓~~~~~~~ZZZZZZZZZ

雖然今日星期日, 但都好似平日返工咁, 好早起左身, 事關今日約左朋友去東坪洲行下~~

原來香港既地方都好靚, 平時好少機會去, 難得有人搞, 一於跟埋去睇下啦!!!

一起身坐VAN仔去上水再轉火車到大學站, 行去馬料水上船, 坐左一個鐘九個字既船程, 直接去到東坪洲, 行左個幾兩個鐘, 再上船去到吉澳食個LUNCH, 然後又上船再過埋塔門, 又行下山, 攀下石, 影左好多相, 今日天氣好好, 最衰忘記帶傘, 太陽眼鏡同帽, 所以有點辛苦, 太晒了!!

不過整天個氣氛都好好, 同幾個朋友一齊去, 又認識了D新朋友, 真開心!!!

今日既相, 放左入FACEBOOK, 大家都可以睇下!!!

成個星期都冇打過BLOG, 皆因都幾忙~~

已經一連幾日忙晒學生既PORTFOLIO, 而家終於都叫做鬆D~~

今個星期三同左冰冰, 阿LU, JACKIE一齊去左荃灣江戶前食日本菜~~~

今晚星期四就約左好耐冇見既阿峰, 阿琪, 阿賢, 子慧同靜妍食餐, 去左市中心既流金歲月~~~然後我地再去左市鎮公園坐下吹水, 咁又一晚, 大家話說當年, 都真係幾開心!!

今晚影既相, 放左入FACEBOOK~~~大家可以去睇!!!

今日把聲真係好沙, 點算好!!!!!