今個星期應該都係LAST既一個短週, 之後有興趣班, 都唔會有太多短週既機會~~

兩日假期, 要做兩份主題教學評估, 仲有語文既PORTFOLIO, 仲有三個主題既評估, 仲有浸大既功課, D工作已經應接不下, 越來越感到壓力, 好想好想逃離個咁繁忙既都市, 雖然有時工作優閒確實有點唔充實, 但現在既生活, 真係有點過份, 連休息既時間都冇, 放工後返學, 近一個月都冇睇過電視, 雖然成日都會約朋友出街, 但出街過後既工作, 仍然生效, 只係將工作既時候稍延, 將睡眠既時間減少~~~~

今日好乖, 冇出街, 只係去食個LUNCH, 之後就係屋企做學校野, 做評估同PORTFOLIO, 但唔知點解做極都仲未做完, 好想完成!!!!!

快D到聖誕, 我真係好想去旅行, 離開呢個鬼地方!!!!幾時可以真正咁休息同輕鬆下呢???

今日返工開大會, 一連個半小時校長既訓話,令全體同事震驚, 平時返工已經感覺呢度工作既同事頗盡責, 但原來都未乎合校長既要求, 真係有點兒擔心, 自己都係一個新入職既同事, 唔知當中有冇犯過錯呢?

以前工作咁多年都冇試過要怕唔續約, 但原來呢度真係會, 唉, 我怕既唔係失業, 我怕既係如果唔續約, 就要搵工, 咁真係好煩呢? 邊有咁多時間做呢D野!!!我只想平平靜靜過日子!!

救命, 幾時先可以有個休止, 雖然短短工作幾年, 但個心已經有點累, 或者呢兩年既生活同工作環境既大變遷, 令我真係感到辛苦!!

話咁快又到左十一月, 但只感到自己忙忙同埋好忙, 自己既病已經個幾星期喇, 仲未好, 感到自己既身體比以前差左好多。一連串既工作好似仲未做完, 今日星期六, 希望可以快d完成~~近日忙到連朋友都冇時間去見, 唉, 好似又與世隔絕咁!!慘~~

1. portfolio 既語文分析

2. 四班班相要整理同更改size

3. 數學小組功課

4. 教育研究功課

5. 主題評估同反思

呢五樣都係我下個星期要交既工作, 好忙, 每樣事都豈碼做幾個小時, 唉, 我何來有咁多時間呢?

近日返工返學返娘家, 都開始自己渣車, 但~~泊車既技術仲要練習練習呢!! 好想練好d, 就算出街都唔會怕阻住人!!

快d完成呢四樣野, 咁我就可以輕鬆好多喇!!

今日終於完成晒我所負責既主題教案同教材, 下個星期開完會, 就可以安心預備我三份功課。今個sem要讀數學、教育研究同埋輔導與支援, 有點兒吃力。每個星期也需要花上三晚時間上課, 想做自己想做的事也不可。快點完結呢個sem。下個sem都係兩科, 期待中。

~~~~~~~~~~~~~~~~~~~~~~~~~~~~~~

心情平伏了嗎?

放鬆自己, 別胡思亂想。

記住還有我在身旁。

發覺自己係工作上有一個不足既地方, 好需要努力改善, 就係: 我既觀察力

觀察力不足~~~有時睇唔晒所有學生既一切動作, 有點兒令人驚慌!!

需要改善, 檢討一下!!

否則做觀察報告, 就會好好好痛苦!!

今日都係忙做board, 數書, 傾課程, 明天就可以印label, 貼好晒所有用品~~

今日返工個感覺唔錯, 校長仲入來問候我幾句, 仲話幫我申請泊車證!!

今日有爸爸送返工, 有老公接放工, 愉快既一日!!

明天又係繼續努力~~

今日係我第一日正式放完暑假返工, 預早左d時間預備上班, 到達上水後, 突然大雨, 要坐接駁巴士先到達學校。

原來今年度有成十位新老師, 真係人材仔仔, 咩人都有! 不過仲未認得晒d人!! 實在太多lu!! 今個年度, 我係任教上午同下午班既低班學生!! 有點期待既感覺, 因為好少係低班進行實習同任教, 所以都係一個好好既經驗!!

忙足一日就係執課室, 起board, 不過好在呢度做board要求唔高, 要咩物料同裝飾都可!!

但個感覺都好似係欠缺d咩咁, 有種好陌生既感覺!!!  午膳有嬸嬸為我地預備, 但食飯時, 一d聲音都冇, 有點害怕既感覺=.=

唔知點解面對新人事, 新環境, 同新既處事方式, 都係令我有種無所適從既感覺, 要慢慢習慣!!

放工有新同事帶我行一條路到上水火車站, 果然係快好多呢, 十五分鐘就到!!

好想~~~好想渣車返工, 唔使等車, 唔使行!!

明天繼續努力!!