呢個sem返三科, 今晚上呢科『輔導與支援』, 我覺得係最感興趣既一科。或者個導師講得好好, 好多案例去解說, 令我都好專心咁上課。個導師講其中幾樣野講得好好, 就係人原來EQ係重要過IQ好多, 就算個人本身有幾本事, 幾能幹, 咩都識, 但佢EQ低, 成日諗埋一邊, 感到自己被埋沒, 冇人欣賞, 覺得自己唔幸運, 遭遇唔好, 睇所有既野都係負面既, 咁樣, 就算個人IQ幾高, 都唔係真正算成功, 因為個人根本得唔到真正既快樂。同時, 與人相處, 最重要除了學識包容, 原來就係要學懂『欣賞』同『支持』, 因為面對其他人, 可以從欣賞既角度, 便唔會只見到別人做得不足既地方, 便能放大別人做得好既地方。

未來日子, 有一個目標, 就係我能夠面對我既學生、家人、朋友, 都以一個『欣賞』同『支持』既態度去面對!! 努力好學習控制自己既情緒, 學習做一個EQ高既人, 咁先真正得到成功同快樂!!

感謝導師今晚一些有道理既話~~