近排都因為太忙所以好多朋友都冇見過，昨晚都突如其來，約左ＧＡＲＹ一齊去飲酒！同ＧＡＲＹ相識都已經三至四年，佢既朋友問到點解會識ＧＡＲＹ，ＨＡ，都好巧合，係我同冰冰一齊報讀職業英語既時候，上課時認識。回想起世上有咁多人，百萬人中相識，都係一個緣份，尋晚得知佢今年年尾要結婚了，恭喜晒！

由兩個唔同生活背景同生活習慣既人，走埋一齊，要面對未來既一段長時間既路，係一種挑戰，要付出好大既勇氣去面對，去學習相處，包容，體諒，唔知我有冇能力去參與呢場挑戰呢？相見好同住難，事實又真的如是！每次嗌交唔開心，有時自己會諗，點解我會選擇你呢，我並不是沒有選擇的餘地，但有時細心諗，當你與人比較一些後備情人時，往往後備情人永遠都是多麼的溫柔多麼的細心，但我知道箇中的關係並非我需要的真實。我需要既係種感覺，係一種一家人既關係既感覺！係我腦裏面既概念係，沒有東西比家人來得重要，所以我認為一家人是最珍貴的！

溝通，係世上最難學既一種學問！不過我希望我能用我既耐性，學懂與你好好溝通！或者你已當我是一家人，不論生活上言語上，都比後備情人的話語來得強硬，但，我要相信，我地既感情是穩固的，不應被這少少東西而所影響，你說，對嗎？